አስተማሪ ታሪክ እውነትን መናገር

Author picture
እውነትን መናገር በጣም የሚወደድ መልካም ልማድ ነው። ሁልጊዜም እውነትን የምንናገር ከሆነ እራሳችነን ከብዙ ችግሮች መጠበቅ እንችላለን። ይህ ብዙ መጥፎ ነገሮችን የሰራ ሰው ታሪክ ነው።

እውነትን መናገር በጣም የሚወደድ መልካም ልማድ ነው። ሁልጊዜም እውነትን የምንናገር ከሆነ እራሳችነን ከብዙ ችግሮች መጠበቅ እንችላለን። ይህ ብዙ መጥፎ ነገሮችን የሰራ ሰው ታሪክ ነው።

ነገር ግን እውነትን ለመናገር ቃል በመግባቱ ከመጥፎ ነገር ጠብቆታል።

አንድ ጊዜ አንድ ሰው ወደ ነብዩ ሙሐመድ (ሰ.ዐ.ወ) መጣና እንዲህ አላቸው: የአሏህ ነብይ ሆይ ብዙ መጥፎ ልማዶች አሉብኝና መጀመሪያ የትኛውን መተው አለብኝ? ሲል ጠየቃቸው። ነብዩም ውሸት መናገርን በመጀመሪያ ተው አሉት።

ሰውየውም ይህን እንደሚያደርግ ቃል ገብቶላቸው ወደ ቤቱ ሄደ። በምሽት ሊሰርቅ ሊሄድ ነበርና ከመሄዱ በፊት ለተወሰነ ጊዜ ከነብዩ (ሰ.ዐ.ወ) ጋር የገባውን ቃልኪዳን አሰበ። ነገ ነብዩ (ሰ.ዐ.ወ) የት ነበርክ? ብለው ቢጠይቁኝ ምን እላለሁ ልሰርቅ ሂጄ ነበር እላቸዋለሁ?

አይሆንም እንዲህማ ልላቸው አልችልም፤ እንዲሁም ልዋሻቸው አልችልም። እውነቱን የምናገር ከሆነ ሰዎች እኔን መጥላት ይጀምራሉ፤ ሌባ ብለውም ይጠሩኛል። በመስረቄም እቀጣለሁ አለ።

ሰውየው በዚያን ለሊት ላለመስረቅ ወሰነና ይህን መጥፎ ልማዱን ተወ። በቀጣዩ ቀን ወይን (አስካሪ መጠጥ) ለመጠጣት ፈልጐ ይህን ለማድረግ ባሰበ ጊዜ ለራሱ እንዲህ አለ:- ነብዩ (ሰ.ዐ.ወ) በዚህ ቀን ምን አደረክ ብለው ቢጠይቁኝ ምን እላቸዋለሁ ልዋሽ አልችልም ደግሞ እውነታውን ብናገን ሰዎች ይጠሉኛል።

ምክኒያቱም ሙስሊም ወይን (አስካሪ መጠጥ) መጠጣት አይፈቀድለትም። እናም ወይን (አስካሪ መጠጥ) የመጠጣት ሀሳብን (ፍላጎቱን) ተወ።

በዚህ መንገድ ሰውየው መጥፎ ነገሮችን ለመስራት ባሰበ ጊዜ እውነትን ለመናገር የገባውን ቃል ኪዳን ያስታውሳል። እያለያለ አንድ በአንድ መጥፎ ልማዶቹን ሁሉ ተወ። ጥሩ ሙስሊምና ጥሩ ሰው ሆነ።

ሁልጊዜም እውነትን የምንናገር ከሆነ ጠንካራ ሙስሊም መሆን እንችላለን። የአሏህ ውዴታን ያስገኝልናል። የአሏህን ውዴታ ካገኘን አሏህ በጀነት ይመነዳናል።

Related posts

የዘምዘም ውሃ

የዘምዘም ውሃ

የዘምዘም የውሃ ጉድጓድ የሚገኘው ከካዕባ ቀጥሎ ነው። ውሃው ምድር ላይ ካለ ውሃ ሁሉ ቅዱስ እና ድንቅ ውሃ ነው። በምድር ላይ በላጩ ውሃ የዘምዘም ውሃ ነው።

Read More »
እስልምና በኢትዮጵያ፡

እስልምና በኢትዮጵያ፡ ከጥንታዊ ሥረ-መሠረቱ እስከ ዘመናዊ ስርጭቱ

ኢትዮጵያ ከዓለም ጥንታዊ ሥልጣኔዎች አንዷ ስትሆን በርካታ እምነቶች ያስተናገደች ምድርም ነች። ከእነዚህም መካከል እስልምና እና ክርስትና ይገኙበታል። እስልምና በኢትዮጵያ ታሪክ የራሱን ጉልህ አሻራ ያሳረፈ ሃይማኖት

Read More »
የቀናት አቆጣጠር

የእስልምና የቀናት አቆጣጠር

ከእስልምና በፊት አረቦች የራሳቸው የሆነ የቀናት አቆጣጠር አልነበራቸውም። ምንም እንኳ አስራ ሁለቱን የጨረቃ ወራቶች ቢያውቁም ጊዜን የሚያሰሉት አንድ ልዩ ክስተት ከፊቱ ወይም ከኋላው የተከሰተበትን ጊዜ

Read More »
መስጅደ ነበውይ

መስጅደ ነበውይ የነብዩ መስጅድ

ነብዩ ያኔ ያስሪብ ተብላ ወደምትጠራው የአሁኗ መዲና በተሰደዱ ጊዜ ጋልበዋት በነበረችው ግመል ዙሪያ ተከታዮቻቸው እና የከተማዋ ሹማምንት ምርጥ ልብሶቻቸውን እና የብረት መከላከያ ልብሶችን እንደለበሱ ተቀበሏቸው።

Read More »

Share