ነብዩ ኢብራም (ዐ.ሰ) ከሚስታቸው ሐጀር እና ከልጃቸው ነብዩ ኢስማኤል (ዐ.ሰ) ጋር እፅዋትም ውሃም ወደ ሌለው ሸለቆ አሁን ላይ መካ ተብሎ ወደ ሚጠራው ቦታ በተሰደዱ ጊዜ ተምር የያዘ አንድ ከረጢት እና አንድ የውሃ ኳዳ ብቻ ጥሎላቸው ትቷቸው ሄደ።
ውሃው ባለቀ ጊዜ ሐጀር ስለ ልጇ በጣም ተጨነቀች፤ የሶፋን አለታማ ኮረብታ ወጥታ ተመለከተች፤ ምንም ነገር የለም። ተረተሩን ወርዳ ወደ መርዋ ኮረብታ ወጥታ ተመለከተች፤ ምንም ነገር የለም።
በመካከላቸው ሰባት ጊዜ ተመላለሰች። በመጨረሻም መርዋ ላይ በቆመች ጊዜ የሆነ ድምፅ ሰማች፤ መላኢካ የዘምዘም ቦታ ላይ ቆሞ መሬቱን በክንፉ መታው። ውሃይቱ ፊልፊል አለች። ዙሪዋን ከተረች። በእጆቿ የውሃ ኳዳዋን ሞላች።
እናም ጠጣች፤ ልጇንም አጠባች። መልአኩ እንዲህ አላት “መተውን አትፍሪ፤ ይህ በዚህ ልጅ እና በአባቱ የሚገነባ የአሏህ ቤት ነው። አሏህ ሰዎቹን ፈፅሞ አይተውም።” (ቡኻሪ)

የዘምዘም ውሃ ለጠጡበት አላማ ያገለግላል
የዘምዘም የውሃ ጉድጓድ የሚገኘው ከካዕባ ቀጥሎ ነው። ውሃው ምድር ላይ ካለ ውሃ ሁሉ ቅዱስ እና ድንቅ ውሃ ነው።
ነብዩ ሙሐመድ (ሰ.ዐ.ወ) አሉ፡
ነብዩ ሙሐመድ (ሰ.ዐ.ወ)
(ጦበራኒ)
“በምድር ላይ በላጩ ውሃ የዘምዘም ውሃ ነው። ምግብ እና ለህመም መድሃኒት ነው።”
በአንድ ወቅት አቡዘር (ሰ.ዐ.ወ) ለ30 ቀን በዘምዘም ውሃ አካባቢ በቆየ ጊዜ ክብደቱ ጨመረ፤ ሆዱ ላይ የስብ እጥፋት ክምችት ነበር።
ምንም የርሃብ ስሜት አልተሰማውም። ይህን ለነብዩ በነገራቸው ጊዜ እንዲህ አሉ፡
ነብዩ ሙሐመድ (ሰ.ዐ.ወ)
(ሙስሊም)
“የዘምዘም ውሃ የተባረከ (የተቀደሰ) ነው። እንደ ምግብ ያገለግላል።”
ነብዩ (ሰ.ዐ.ወ) እንዲህ አሉ፡ “የዘምዘም ውሃ ለሚጠጣበት አላማ ያገለግላል።” ኢብን ማጃ ስለዚህ ህክምናን ፈልጎ አስቦ ለጠጣው ሰው በእርግጥ አሏህ ከህመሙ ያሽለዋል።
ለህክምናው ብለው አስበው ይህን የተቀደሰ ውሃ በመጠጣት ከአደገኛ በሽታቸው የተፈወሱ ሰዎች እውነተኛ ታሪኮች አሉ።
አንዱ ታሪክ ከካንሰሰር በሽታ የዳነችው የሞሮኮ ተወላጅ የሆነችው ለይላ አል-ሂለው የተባለች ሴት ታሪክ ነው።
ቤልጂየም ውስጥ ሃኪሞችን ስታማክር ለዚህ ገዳይ በሽታ የሚያሽል መድሃኒት ሊሰጧት እና ሊያክሟት ስላልቻሉ፤ ባሏ ወደ ቤቷ እንዲወስዳትና ሞቷን እንድትጠባበቅ ነገሯት።
ይሁን እንጅ እሷና ባሏ መካ ከተማ ውስጥ ቅዱሱን ቤት ለመጎብኘት ወሰኑ። እዚያም የዘምዘም ውሃ ለሚጠጡበት አላማ እንደሚያገለግል ስለምታውቅ አብዝታ ጠጣችው። በጣም አለቀሰች ፣ ቅዱስ ቁርአን ቀራች፤ ሃያሉ አሏህ እንዲያሽላት ተማፀነች።
ጓደኞቿም የላይኛውን የሰውነቷን ክፍል ማለትም በጡት ካንሰር ምክኒያት ያበጠውን ክፍል እንድታጥበው መከሯት።
አንድ ቀን አሏህ ያሻላት መሆኑን ደረሰችበት። ይህንንም ታሪክ በአንድ መፅሐፍ ላይ አሰፈረች። መጽሐፉ እንግሊዘኛን ጨምሮ በሌሎች ቋንቋዎች ተተርጉሟል።

ኢብራሂም ፣ ኢስማኤል እና ሰኢ ተመልከቱ




Share