ከእስልምና በፊት አረቦች የራሳቸው የሆነ የቀናት አቆጣጠር አልነበራቸውም። ምንም እንኳ አስራ ሁለቱን የጨረቃ ወራቶች ቢያውቁም ጊዜን የሚያሰሉት አንድ ልዩ ክስተት ከፊቱ ወይም ከኋላው የተከሰተበትን ጊዜ በመያዝ ነው። ለምሳሌ እንደ “የዝሆኑ አመት” ያለ።

የእስልምና የቀናት አቆጣጠር መሰረቱ ሙሉ በሙሉ የጨረቃ ኡደት ነው። በዚህ ዘመን ይጠቀሟቸው የነበሩ ተፃራሪ የአቆጣጠር ዘዴዎችን ለማስቀረት ይህን የእስልምና የጨረቃ አቆጣጠር ያስተዋወቀው ኡመር ኢብን አል-ኸጧብ (ረ.ዐ) ነው። ይህ የሆነው በአንድ ወቅት በሻዕባን ወር የተፃፈ ሰነድ በተቀበለ ጊዜ ነው።

ሰነዱ የሚያመለክተው በዛ አመት የሸእባን ወር ይሁን በቀጣዩ አመት እርግጠኛ አልነበረም። እናም በአዲሱ የእስልምና የቀናት አቆጣጠር መጀመሪያ ዙሪያ አማካሪዎቹን አማከረ። ከብዙ ውይይት በኋላ ጥሩ መነሻ ሂጅራ መሆኑን ተስማሙ። ይህ ነብዩ (ሰ.ዐ.ወ) ከመካ ወደ መዲና ከተማ ያደረጉትን ስደት እንደ መነሻ ምልክት የተጠቀሙበት ነው።
ምንም እንኳ ነብዩ (ሰ.ዐ.ወ) በረቢኡል አወል ወር ቢሰደዱም ኡመር (ረ.ዐ) ግን ሙሐረም የጨረቃ ወር መጀመሪያ በመሆኑ ሙሐረምን የእስልምና የጨረቃ የቀናት አቆጣጠር መጀመሪያ አድርገው መርጠውታል።
አንዳንዶች ይህን የቀናት አቆጣጠር ዓ.ሂ ብለው ያሳጥሩታል። ይህ ማለት አመተ ሂጅራ (የስደቱ አመት) ማለት ነው። ሙስሊሞች የእስልምና የቀናት አቆጣጠርን እንዲጠቀሙ ይገደዳሉ። ምክኒያቱም ሁሉም የእስልምና ድንጋጌዎች ከእሱ ጋር የተያያዙ በመሆናቸው ጊዜውን መከታተል ስለሚያስፈልግ ነው። ለምሳሌ ከረመዷን ፆም እና ከሐጅ ስነስርአቶች ጋር የተያያዙት።
ኡመር ኢብን አል-ኸጧብ ፣ አመል ፊል እና ሂጅራ ተመለልከቱ




Share