
መስጅደል ሐረም መካ ውስጥ የሚገኝ ሐጀረል አስወድን (ጥቁሩ ድንጋይ) እና ካዕባን በውስጡ የያዘ ቅዱስ መስጅድ ነው። መጀመሪያ በጣም ትንሽ የነበረ ሲሆን በግንብ (በግድግዳ) የተከበበ አልነበረም።
መስጅዱን የማተለቅ ስራ መጀመሪያ የተሰራው በነብዩ (ሰ.ዐ.ወ) ሲሆን ከዛ ደግሞ በኸሊፋው አቡበክር አሲዲቅ ፣ ኡመር ኢብን አል-ኸጧብ ፣ ኡስማን ኢብኑ አፋን ፣ አብዱሏህ ኢብን አዙበይር ፣ አቡጃዕፈር አልመንሱር እና ሌሎችም ነው።
በቅርቡ ዘምኖ ትልቅ ተጨማሪ ግንባታ የተደረገለት በ1375ዓ.ሂ በንጉስ ፋሐድ ቢን አብዱል አዚዝ ነው።

መስጅደል ሐረም በምድር ላይ የሰው ልጆች ጌታቸውን ያመልኩ ዘንድ የቆመ የመጀመሪያው የአምልኮ ቤት ነው። አሏህ በቁርአኑ እንዲህ ይላል፡
አል-ቁርአን
(ሱረቱል ኢምራን 3፡96)
“በእርግጥ ለሰው ልጆች የተኖረ የመጀመሪያው የአምልኮ ቤት ነው፤ በበካ (በመካ) ውስጥ ነው፤ የተባረከና ለሙዕሚኖች መመሪያ ነው።”
በካ ሌላኛው የመካ ከተማ መጠሪያ ነው። ወደ እሷ የሚገበ ሰው ገዳይ ቢሆን እንኳ ደህንነቱ የተጠበቀ ነው።
አል-ቁርአን
(ሱረቱል ኢምራን 3፡97)
“ወደ እሷ የገባ ሰው ደህንነቱ (መጠበቅን) አግኝቷል።” (አል-ቁርአን 3፡97)

ይሁን እንጅ በኑህ (ዐ.ሰ) ዘመን ከባድ ጎርፍ ምድርን ባናወጣት ጊዜ ትልቁ ምልክቱ ሙሉ በሙሉ ጠፍቶ ነበር። በኑህ (ዐ.ሰ) ዘመን በጎርፍ የጠፋውን መሰረት ነብዩ ኢብራሂም (ዐ.ሰ) እና ልጃቸው ኢስማኤል (ዐ.ሰ) ከፍ እንዲያደርጉ ካዕባን መልሰው እንዲገነቡ አሏህ አዘዛቸው።
በእርግጥ ወሰረቱ ወደ ጠፋው (ቤት) ቦታ የመራቸው መልአኩ ጅብሪል (ዐ.ሰ) ነው። ገንብተው እንደጨረሱም ሃያሉ አሏህ ስራቸውን እንዲቀበላቸው ፣ እነሱ እና ተወላጆቻቸው ለአሏህ ተገዥ እንዲሆኑ ፣ የሐጅና የኡምራ ስርአት እንዲያሳያቸው ፣ ተውባቸውን እንዲቀበላቸው ፣ ምልክቶቹን የሚያነብላቸው ከራሳቸው መካከል የሆነ መልዕክተኛ እንዲልክላቸው መጽሐፉን እና ጥበቡን የሚያስተምራቸው ከክህደት የሚያጠራቸው መልዕክተኛ እንዲልክላቸው ለመኑ።
አሏህ ፀሎታቸውን ተቀብሎ ነብዩ ሙሐመድ (ሰ.ዐ.ወ) ላካቸው። አልቁርአን 2፡127-129
የተቀደሰው መስጅድ ንፁህ እና ከሁሉም የሽርክ አይነቶች የፀዳ ነበር። ነገርግን ጊዜ በገፋ ቁጥር ሰዎች ጣኦቶችን ማምለክ ጀመሩ። ወደ ወደ መካ የጣኦት አምልኮ አመጡ። ሰዎች በካዕባ ውስጥ እና በዙሪያው ጣኦታትን አቆሙ።
ነብዩ (ሰ.ዐ.ወ) ወደ መካ በድል እስከተመለሱበት እና እስካስወገዷቸው ጊዜ ድረስ ነበሩ። በእጃቸው በነበረ በትር አውልቀው ጣሏቸው፤ ይህንን አያ(አንቀፅ) አነበቡ፡
አል-ቁርአን
(ሱረቱል ኢስራዕ 17፡81)
“በል! እውነት መጣ ውሸትም ተወገደ፤ እነሆ ውሸት ተወጋጅ ነውና።”
ከመስጅደል ሐረም ጋር የተያያዘው አንደኛው ክስተት የየመን ገዥ አብርሃ የየመን ዋና ከተማ ሰንአ ውስጥ ቤተመቅደስ ገንብቶ አረቦች ከመካ ይልቅ እሱ ወደ ገነባው ቤተመቅደስ ሐጅ እንዲያደርጉ ለማድረግ የሞከተረበት አመል ፊል (የዝሆኑ አመት) ክስተት ነው። አሏህም እሱን እና ወታደሮቹን ሙሉ በሙሉ አጠፋቸው።
መስጅደል ሐረም በምድር ላይ እጅግ ቅዱሱ መስጅድ ነው። ብዙ ትሩፋቶችም አሉት። ነብዩ (ሰ.ዐ.ወ) እንዲህ ብለዋል፡
ነብዩ ሙሐመድ (ሰ.ዐ.ወ)
(አህመድ)
“በእኔ በዚህ መስጅድ የተሰገደ አንድ ሶላት ሌላ ቦታ ከተሰገደ ከሽህ ሶላቶች በላይ በላጭ ነው። ቅዱሱ መስጅድ (መካ) ውስጥ ካልሆነ በቀር። ቅዱሱ መስጅድ ውስጥ የተሰገደ አንድ ሶላት ሌላ መስጅድ ውስጥ ከሚሰገድ አንድ መቶ ሸህ ሶላቶች በላይ በላጭ ነው።”

መስጅድ ፣ አመል ፊል የዝሆኑ አመት ፣ መስጅደ ነበውይ ፣ በይተል መቅዲስ እና መካ ተመልከቱ




Share