ጅብሪል (ዐ.ሰ) የአሏህን ወህይ (ራዕይ) ለመልዕክተኞቹ የሚያደርስ መልአክ ነው። አሏህ የፈጠረው ከብርሃን ነው። የአሏህ መልዕክተኞች መልአክቶችን በተፈጥሯዊ ቅርፃቸው ሊያያቸው ይችላሉ።
ነብዩ (ሰ.ዐ.ወ) መልአኩ ጅብሪል በተፈጥሯዊ ቅርፁ ላይ ሆኖ ማየታቸውን አኢሻ (ዐ.ሰ) አስተላልፋለች።

በሂራ ዋሻ ውስጥ ወደ ነብዩ (ሰ.ዐ.ወ) የመጣው መልአክ ይሄው መልአክ ሲሆን የመጀመሪያዎቹን አምስት የቁርአን አንቀፆች ገልፆላቸዋል። አሏህ እንዲህ አላቸው፡
አል-ቁርአን
(ሱረቱ አለቅ 96፡1-5)
“አንብብ ያ ሁሉን በፈጠረው ጌታህ ስም። ሰውን ከረጋ ደም በፈጠረው። አንብብ! ጌታህ በጣም ቸር ነው። ያ በብዕር ያሰተማረ፤ የሰው ልጅ የማያውቀውን ያሳወቀ ነው። በእርግጥ ሰው ወሰንን ያልፋል።”
እንዲሁም ወደ ሰባቱ ሰማያት እጅቧቸው የሄደው መልአኩ ጅብሪል (ዐ.ሰ) ነው። (ኢስራዕ እና ሚዕራጅ ተመልከቱ)
ነብዩ (ሰ.ዐ.ወ) ብዙ ጊዜ ዲህያ አል-ኸልቢ ተብሎ በሚጠራ በሰው ቅርፅ ተመስሎ ያዩት ነበር። የነብዩ (ሰ.ዐ.ወ) ሶሃቦች በጥቂት አጋጣሚዎች እና ክስተቶች በሰው ቅርፅ ተመስሎ አይተውታል።
ለምሳሌ ከእነዚህ አጋጣሚዎች መካከል በአንድ ወቅት እነ ኡመር (ረ.ዐ) ከነብዩ (ሰ.ዐ.ወ) ጋር ቁጭ ብለው እያለ ልብሱ እጅግ በጣም የነጣ ፣ ፀጉሩ በጣም የጠቆረ ፣ የመንገደኛነት ምልክት የማይታይበት ፣ አንዳቸውም የማያውቁት የሆነ በሰው ተመስሎ ያዩበት ጊዜ ነው።
ወደ ነብዩ (ሰ.ዐ.ወ) ሄደና ጉልበቱን ከጉልበታቸው ገጥሞ ተቀመጠ። የእጆቹን መዳፍ ታፋቸው ላይ አስቀመጠ። ነብዩ (ሰ.ዐ.ወ) ስለ እስልምና ፣ ስለ ኢማን ፣ ስለ ኢህሳን እና ስለ ፍርዱ ቀን እና ምልክቶቹ ጠየቃቸው።
ሁሉንም ጥያቄዎች መለሱለት። በሄደ ጊዜ ነብዩ (ሰ.ዐ.ወ) እንዲህ አሉ ይህ ሰው ጅብሪል ነው፤ የመጣው ሃይማኖታችሁን ሊያስተምራችሁ ነው አሏቸው።

