ጀሐነም ለከሃዲዎች እና ለሃጢያተኞች አሏህ ያዘጋጀው የመቀጫ ቦታ ነው። ይህን ቦታ ቅዱስ ቁርአን በሌላ መጠሪያ ስሞች ማለትም አል-ሁታማህ (የሚያጠፋው) ፣ አሰኢር (ነበልባላው እሳት) ፣ አልጀሂም (የሚቀጣጠለው እሳት) እና አል-ሐዊያ (የእንጦረጦስ ጉድጓድ) በሚል ይገልፀዋል። አሏህ (ሱ.ወ.ተ) እንዲህ ይላል፡
አል-ቁርአን
(ሱረቱል ሙልክ 67፡6)
ለእነዚያ በጌታቸው ለካዱ የጀሐነም ቅጣት አለላቸው። በእርግጥ ማረፊያው የከፋ ነው።

የጀሐነም እሳት እጅግ በጣም የጋለ እና ሙቅ ነው። ነብዩ (ሰ.ዐ.ወ) ስለ እሱ ሲናገሩ እንዲህ አሉ፡
ነብዩ ሙሐመድ (ሰ.ዐ.ወ)
(ትርሚዚ)
“ይች የእናንተ እሳት ከሰባ የጀሐነም እሳት አካል አንዷ አካል እንጅ ሌላ አይደለችም።”
ጀሀነም እጅግ በጣም ሰፊ ነው። ሰዎች ወደ እሷ ከተወረወሩ ቡኋላ እንዲህ ትባላለች
አል-ቁርአን
(ሱረቱል ቃፍ 50፡30)
ጀሐነም ሞላሽ እንዴ? በምንል ቀን፤ ሌላ ተጨማሪ የሚመጡ ካሉ ትላለች።
ማቀጣጠያዎቿ ሰዎች እና ድንጋዮች ናቸው። በእሷም ላይ የተሾሙ ጥብቅ ሃይለኛ መልአክቶች (መላኢካ) አሉ። ከአሏህ የተቀበሉትን ትዕዛዛት ከመፈፀም ፍንክች አይሉም። የታዘዙትን ነገር በትክክል ይፈፅማሉ።

ወደ እሷ የሚገቡ ሰዎች ምግብ ዘቁም (የሚመር ፣ የሚያስጠላ ፣ የሚሰነፍጥ ሽታ እና ጣዕም ያለው ዛፍ) ነው። መጠጣቸው ሐሚም (እጅግ በጣም የፈላና የሚፍለቀለቅ ውሃ) እና ገአሳቅ (ከቁስል የሚወጣ ፈሳሽ እና መግል) ነው።
ልብሳቸው ከእሳት የተሰራ ነው። የፈላ ውሃ በእራሳቸው ላይ ይደፋባቸዋል፤ ቆዳቸው እና በሆዳቸው ውስጥ ያለው ሁሉ ይቀልጣል፤ ይፈርሳልም።
ከእሷ ጭንቀት መውጣት ሲፈልጉ ወደ እሷ እንደገና ተመልሰው ይወሰዳሉና “የመቃጠልን ቅጣት ቅመሱት› ይባላሉ። ነብዩ (ሰ.ዐ.ወ) እንዲህ አሉ፡
ነብዩ ሙሐመድ (ሰ.ዐ.ወ)
(ቡኻሪ)
“በትንሳኤ ቀን ከጀሐነም እሳት ሰዎች መካከል ትንሽየ ቅጣት ያለው ሰው ከእግሩ ጉበን ላይ ፍም (እሳት) ተደርጎበት በእሷ አንጎሉ እንዲፈላ የሚደረግ ሰው ነው።


Share