ቁርአን በመልአኩ ጅብሪል አማካኝነት ለመጨረሻው መልዕክተኛ ሙሐመድ (ሰ.ዐ.ወ) የተገለፀ አቻ የሌለው የአሏህ ንግግር ነው። በውስጡ 114 ምዕራፎች ይዟል።
የሚጀምረው በሱረቱ ፋቲሃ (የመክፈቻይቱ ምዕራፍ) ሲሆን የሚያበቃው ደግሞ በሱረቱ ናስ (በሰዎች) ምዕራፍ ነው።
የቁርአን ሌላ መጠሪያ ስሞቹ አል-ፉርቃን (መመዘኛው) ፣ አል ኪታብ (መጽሐፉ) እና አዚክሩ (መልዕክቱ/ውዳሴው) የሚሉት ናቸው።

ከሙስሊሞች መካከል በላጩ ቁርአን ተምሮ ለሌሎች ያስተማረ ነው።
አንዲትን ፊደል ከእሱ ያነበበ ሰው እንደ አንድ ምንዳ ወይም ሽልማት ይያዝለታል። አንዷ ምንዳ አስር እጥፍ ምንዳ ታስገኘዋለች።
ነብዩ (ሰ.ዐ.ወ) በልቡ ውስጥ ከቁርአን ምንም ነገር የሌለውን ሰው ሲገልፅ ልክ እንደፈረሰና እንደተተወ ፣ ሰው እንደሌለው ቤት ነው ሲሉ ገልፀውታል።
አሏህ ያወረደው ለሙእሚኖች እንደ መመሪያ ፣ ምህረት ፣ መድሃኒት አድርጎ ነው። የነብዩ ሙሐመድ እውነተኛነት የሚያረጋግጥ ተአምር ነው። አሏህ እንዲህ ይላል፡
አል-ቁርአን
(ሱረቱል ኢስራዕ 17፡88)
“በላቸው ሰዎች እና ጅኖች የዚህን ቁርአን አምሳያ ለመፍጠር አንድ ላይ ቢሰባሰቡ ፣ አንዳቸው ለአንዳቸው ቢረዳዱ ቢደጋገፉ እንኳ የእሱን አምሳያ መፍጠር አይችሉም።”

በቀደምት ዘመናት የተገለፁ ቅዱሳን መጽሐፍት ከተጭበረቡና ከተዛቡ ቡኋላ ቁርአን እውነተኛውን የመጀመሪያውን የኢስላም መልዕክት ለማረጋገጥ መጣ።
ቁርአን በውስጣቸው ያለውን እውነቱን በማረጋገጥ እና ውሸቱን በሃሰትነቱ ማረጋገጥ የቆመ ህያው ምስክር ነው።
ምንም እንኳ እነዚህ ቅዱሳን መጽሐፍት አሁንም ቢኖሩም ግን ያሉት በመጀመሪያ ይዘታቸው አይደለም።
ምክኒያቱም የሰው ልጅ ይዘታቸውን በመቀናነስ እና በመጨመር ትክክለኛውን መለኮታዊ መልዕክት በርዘውታልና ነው።
ቅዱስ ቁርአን የጊዜውን ፈተና የሚቋቋም ብቸኛው መለኮታዊ ቅዱስ መጽሐፍ ነው። ምክኒያቱም የሚጠብቀው አሏህ ነውና።
አል-ቁርአን
(ሱረቱል ሒጅር 15፡9)
“በእርግጥ! ዚክሩን (ውዳሴውን/ቁርአንን) ያወረድነው እኛ ነን። በእርግጥም! እንጠብቀዋለን።”
አል-ቁርአን
ሱረቱል ፉሲለት 41፡41-42
በእርግጥ! ወደ እሱ በመጣ ጊዜ በዚክሩ (በውዳሴው/በቁርአን) የካዱ ቅጣቱን ይቀበላሉ። በእርግጥ የተከበረ የላቀ መጽሐፍ ነው። ውሸት ከበፊትም ከስተኋላውም ወደ እሱ አይመጣም። ጥበበኛ ምስጉን ከሆነው ጌታ የተወረደ ነው።

ቁርአን ሙሉ በሙሉ ነብዩ (ሰ.ዐ.ወ) በህይወት በነበሩበት ጊዜ የተፃፈ ሲሆን የተፃፈው ሉህ (ብራና) ፣ የዘምባባ ዛፍ ቁርጥራጮች እና አጥንት ላይ ነበር።
ከዚህ በተጨማሪ አስር ሽህ የነብዩ ሶሃባዎች ልክ በተገለፀበት አግባብ ሸምድደውታል። ቁርአን አሁንም በመጀመሪያው ቋንቋ በአረብኛ እየተነበበና በአለም ዙሪያ የሚገኙ ሚልዮን ሰዎች የሚማሩት መጽሐፍ ነው።
በተመዘገበ ታሪክ ውስጥ ይህን አቻ የሌለው እንክብካቤ ያገኘ ሌላ ሐይማኖታዊ መጽሐፍ የለም።
ቁርአን ፍፁም እንከን የሌለበት በተገለፀበት በአረብኛ ቋንቋ ብቻ ነው።
የቁርአን ትርጉም ስራዎች ፍፁም ያልሆነው ተሳሳች የሰው ልጅ ውጤቶች ናቸው። ስለዚህ የትርጉም ስራዎች የቁርአን ሃተታዎች ብቻ ናቸው።
Share