መካ በምዕራባዊ ሳውዲ አረቢያ፤ በቀይ ባህር ጠረፍ አቅራቢያ የምትገኝ ከተማ ናት። ሌሎች መጠሪያ ስሞች አሏት። እነሱም በካ ፣ ኡመል ቁራ (የከተሞች እናት) እና በለደል አሚን (ደህንነቷ የተጠበቀ ከተማ) የሚሉት ናቸው።

መካ የነብዩ ሙሐመድ (ሰ.ዐ.ወ) የትውልድ ቦታ ስትሆን በመካከሏ ካዕባን አቅፎ የያዘው መስጅደል ሐረም ይገኛል። በመላው አለም ላይ የሚገኙ ሙስሊሞች በቀን አምስት ጊዜ ወደ ካአባ አቅጣጫ ዞረው ይሰግዳሉ።

መካ ውስጥ የሚገኘው መስጅደል ሐረም ምድር ላይ በጣም ቅዱሱ መስጅድ ነው። በውስጡ የተሰገደች አንድ ሶላት ሌላ ቦታ ከተሰገደ አንድ መቶ ሽህ ሶላት በላይ በላጭ የሆነችበት ነው።
ነብዩ (ሰ.ዐ.ወ) እንዲህ አሉ፡
ነብዩ ሙሐመድ (ሰ.ዐ.ወ)
(አህመድ)
“(መዲና ውስጥ) በዚህ በእኔ መስጅድ ውስጥ የተሰገደች አንድ ሶላት (መካ ውስጥ) ከቅዱሱ መስጅድ ውጭ ሌላ ቦታ ከተሰገደ አንድ ሽህ ሶላት በላይ በላጭ ናት። በቅዱሱ መስጅድ ውስጥ የተሰገደች አንድ ሶላት ሌላ መስጅድ ውስጥ ከተሰገደ አንድ መቶ ሽህ ሶላቶች በላይ በላጭ ናት።”

የመካ ከተማ መጀመሪያ የተቆረቆረው ከሚስቱ ሐጀር እና ከልጁ እስማኤል ጋር በተሰደደው በነብዩ ኢብራሂም (ሰ.ዐ.ወ) እና በቤተሰቦቹ ነው። ይህ የተሰደዱበት ቦታ በአሁኑ አጠራር መካ ከተማ ተብሎ ይጠራል።
መካ በዚያን ጊዜ ባዶ ጠፍ በረሃ ነበረች። ህይወት ያለው ነገር እንኳ የሚኖርባት አትመስልም ነበር።
ከካዕባ ቀጥሎ የተባረከው ቅዱሱ የዘምዘም ምንጭ ውሃ ይገኛል። ይህ የምንጭ ውሃ ነብዩ ኢብራሂም (ዐ.ሰ) በዛ በረሃ ሐጀርን እና ልጇን ብቻቸውን ትቷቸው በሄደ ጊዜ አሏህ የሰጣቸው ምንጭ ነው።
የዘምዘም ውሃ በማያረጥር እና በማያሻማ ሁኔታ በምድራችን ብቸኛው ቅዱስ እና የተባረከ ውሃ ነው።
መካን አሏህ የተቀደሰ ቦታ አድርጎታል። ሆኖም አሾሆቿን ቢሆን እንኳ መንቀል ፣ ዛፎቿን መቁረጥ ፣ እንስሳዎቿን ማደን እና ማባረር ፣ ደም ማፍሰስ ፣ የወደቀን ነገር ማንሳት አይፈቀድም።
አሏህ ከሁሉም የሽርክ አይነቶች ጠብቋታል። ሙስሊም ያልሆኑ ሰዎችም ወደ እሷ እንዳይገቡ በጥብቅ ከልክሏል።

መስጅደል ሐረም ፣ ዘምዘም ፣ ኢብራሂም እና ኢስማኤል ተመልከቱ



