አሊ ኢብን አቢ ጧሊብ (ረ.ዐ)

Author picture
አሊ ኢብን አቢ ጧሊብ የነብዩ (ሰ.ዐ.ወ) አጎት ልጅ ነበር። የተወለደው ከነብዩ (ሰ.ዐ.ወ) ውልደት ከ30 አመት በኋላ ነው።
አሊ ኢብን አቢ ጧሊብ

አሊ ኢብን አቢ ጧሊብ የነብዩ (ሰ.ዐ.ወ) አጎት ልጅ ነበር። የተወለደው ከነብዩ (ሰ.ዐ.ወ) ውልደት ከ30 አመት በኋላ ነው።

አቡጧሊብ ደሃና በጣም ትልቅ ቤተሰብ የነበራቸው በመሆኑ አሊ (ረ.ዐ) በተወለደ ጊዜ የአጎታቸውን ሸህም ለማቃለል ሲሉ ነብዩ ሙሐመድ (ሰ.ዐ.ወ) ወደ ቤታቸው ወስደው ልክ እንደራሳቸው ልጅ አድርገው አሳድጉት።

አሊ (ረ.ዐ) በጥሩ ሁኔታ በደግነት እና በሃይማኖተኝነት አደገ። እሱ እስልምናን የተቀበለ የመጀመሪያው ልጅ ነው።

አሊ (ረ.ዐ) ፈፅሞ ለጣኦት አልሰገደም። በሃይማኖተኝነቱ እና በትሁትነቱ ፣ በጀግንነቱ እና የአሏህን ሃይማኖት ለማገልገል እና መልዕክተኛውን (ሰ.ዐ.ወ) ለመጠበቅ በነበረው ጥንካሬ በደንብ ይታወቃል። በእርግጥ ነብዩ ሙሐመድ (ሰ.ዐ.ወ) በህይወት በነበሩ ጊዜ የተዋጋባቸው የብዙ ጦርነቶች ጀግና ነው።

ምክኒያቱም አሊ በነብዩ (ሰ.ዐ.ወ) የፍቅር እንክብካቤ ስር ሆኖ ነው ያደገው። ይህ ደግሞ የኢማን እና የሕይወት እውነታዎችን በጥልቀት እንዲያስተውል እንዲገነዘብ አድርጎታል።

ነብዩ (ሰ.ዐ.ወ) ልጃቸውን ፋጢማን ለእሱ በመዳር የቅርብ የደም ዝምድናቸውን ዳግም አጠናክረዋ። ፋጡማ (ረ.ዐ) ከሁሉም በላይ አብዝተው የሚወዷት የሁሉ ታናሽ ልጅ ናት። ከእሷ ቀጥሎ አሊ ፣ ሐሰን ፣ ሑሴን ፣ ሙህሲን እና ኡሙ ኩልሱም  ናቸው።

አሊ ከተማሩ አዋቂ ሰዎች መካከል አንዱ ነው። የወህዩ (ራዕዩ) ቁም ፀሃፊዎች መካከል አንዱ ነበር። ነብዩ (ሰ.ዐ.ወ) የሚልኳቸውን ደብዳቤዎችም ይፅፍ ነበር።

ነብዩ (ሰ.ዐ.ወ) የጀነት ምንዳ የምስራች ዜና በህይወት እያሉ ከሰጧቸው አስር ሶሃባዎች መካከል አንዱ ነው።

በትክክል የተመሩት ሶስቱ ኸሊፋዎች የእሱ ምክር ላይ ብዙ ይተማመኑ ነበር። ኡመር ኢብን ኸጧብ (ረ.ዐ) እንዲህ ይልነበር። “ከኛ መካከል ጥሩ ዳኛ አሊ ነው።”

አሊ (ረ.ዐ) የንጋት ስግደቱን ሊፈፅም ጎዞ ላይ በነበረበት ጊዜ በተመረዘ ሰይፍ ከጀርባው በኩል ተወጋ።

ከመሞቱ በፊት ገዳዩ አብዱረህማን ኢብን ሙልጅም በፍጥነት ተገርፎ ሳይሆን በሰብአዊነት ተይዞ በስርአት እንዲገደል አዟል።

የሞተው ኩፋ ውስጥ ሲሆን የተቀበረውም እዛው ነው። በትክክል ከተመሩት ኸሊፋዎች ውስጥ የመጨረሻው ነው።

ነብዩ (ሰ.ዐ.ወ) በአንድ ወቅት “ልክ ሃሩን ለሙሳ እንደሆነው፤ አንተም ለእኔ በመሆንህ አትደሰትምን? ነገርግን ከእኔ በኋላ ነብይ አይኖርም” ብለውታል። (ቡኻሪ)

እንዲሁም አንድ  ወቅት “አንተ ከእኔ ነህ፤ እኔም ከአንተ ነኝ” ብለውት ነበር።

ኡመር ኢብን ኸጧብ (ሰ.ዐ) “ነብዩ (ሰ.ዐ.ወ) እንደተደሰቱበት ሞቱ” ብሏል። (ቡኻሪ)

ሶሃባና ኹለፋኡ ራሽዱን ተመልከቱ

Related posts

ኡመር ኢብን አል-ኸጧብ

ኡመር የኸጧብ ልጅ ነው። እናቱ ኸትማ ቢንት ሐሽም ትባላለች። አዲ ተብሎ የሚጠራ የቁረይሽ ጎሳ ቅርንጫፍ አባል ሲሆን ከሌሎች ጎሳዎች በሚኖራቸው ጥል የቁረይሽ ተወካይ ሆነው ያገለገሉ

Read More »
ኹለፋኡ ራሽዱን

ኹለፋኡ ራሽዱን

ኹለፋኡ ራሽዱን ከነብዩ (ሰ.ዐ.ወ) በኋላ ኢስላማዊ መንግስትን የመሩ የመጀመሪያዎቹ አራት ኸሊፋዎች ናቸው። ነብዩ (ሰ.ዐ.ወ) የጀነትን ምንዳ የምስራች ዜና በህይወት እያሉ ካበሰሯቸው (ከነገሯቸው) አስር ሶሃባዎች መካከል

Read More »

አቡበከር አሲዲቅ

አቡበክር በትክክል ከተመሩት ኸሊፋዎች ውስጥ አንዱ ነው። ከነብዩ በሁለት አመት እድሜ ከፍ ያለ ነበር። ከታላቅ ቤተሰብ የሆነ የመካ ከበርቴ ነጋዴዎች ውስጥ አንዱ ነበር። በምስጉን ባህሪው

Read More »
ኡስማን ኢብን አፋን

ኡስማን ኢብን አፋን

ኡስማን ኢብን አፋን ሶስተኛው ኸሊፋ ነው። የተወለደው ነብዩ ሙሐመድ ከተወለዱ ከሰባት አመት በኋላ ነው። በጣም የተማረ እና መካ ውስጥ አሉ ከሚባሉ ሃብታሞች አንዱ ነው።

Read More »

Share