የናትህን ማህፀን ያኔ ባልጋራህ፤
በኖርክበት ቀዬ ባልኖር ካንተ ጋራ፤
እንደ ዕድል ሆኖ ባይወልደኝ አባትህ፤
ድክ ድክ ብዬ ባላድግ ከቤትህ፤
ምንም ባልፈጠር ከመሃከላችሁ፤
በዘርም በቋንቋ ባልገናኛችሁ፤
ባይዋሃድ እንኳ ደምህ እና ደሜ
በኢስላም ጥላ ስር እኔም እህትህ ነኝ
አንተም ነህ ወንድሜ።
በእሳት አንደበቱ በፍቅር ስም ለክፎ
በዚያ ረመጥ ክንዱ አባብሎና አቅፎ
ሊጥለኝ ነውና በሐራም ጠላልፎ
በቃ ተስኖኛል ተፈትኗል አቅሜ
ወዴት ነህ ያለኸው ሙስሊሙ ወንድሜ
ኧረ እምቢ ብለህ አስጥለኝ አለሜ።
ንፁህ ነኝ እህትህ በጦሀራ ያደግኩ
በተመረጠው ዲን በኢስላም የታነፅኩ
እኮ ለምን ሲባል በእሳት ልጠለፍ
በማልፈልገው እጅ በሀራም ልታቀፍ?
ቢያየኝ ደካክሜ ዛሬ አቅም ባጣ
አንገቱ ላይ ወርቁን አንጠልጥሎ መጣ
ሙስሊም ሆይ ተነሳ ዘራፍ ብለህ ውጣ
እምቢኝ አሻፈረኝ ኧረ የወንድ ያለህ
ከሃዲው ሊወስደኝ በህይወት እያለህ?
ወዴት ልፈልግህ ሙስሊም የሙስሊም ልጅ
አታስጥለኝም ወይ ከዚህ ብልሹ እጅ
እንኳንስ በፍቅር ተይዛ ይቅርና
ልቤ በትንሹም ትጠፋለች በና
ከኢስላም የወጣ ሸሃዳ ያልያዘ
አንተ ምን ስትሰራ ቀርቦ እጄን ያዘ
ነብዩን የካደ አላህን የማያውቅ
አንተ የት ሆነህ ነው ከደረቱ ስወድቅ
በሱ ላይ ሀራም ናት ጀነት አያገኝም
ታዲያ ለምን አነተ ቀድመህ አትወስደኝም?
የምታስብበት ህሊናህ የት ገባ
እያየህ ዝም ያልከኝ ሙሽሪክ ቤት ስገባ
ወኔቢስ መሆንህ ኧረ‘ኔስ ከበደኝ
ወይም ችግር ካለ ምነው ብታስረዳኝ
ጥግህን ከምትይዝ ሌላው ሲያሳድደኝ
ዘራፍ አትልም ወይ እምቢኝ አይወስድሽም
እኔ ቆሜ ሳለሁ ማንም አይነካሽም
ንፅህት ነሽ አንቺ ለኔ የተሰራሽ
ለሌላው አትሆኜም አበደን በጭራሽ
መች ይሆን እንደዚህ ወኔህን የማየው
ያለዚያ ሙስሊም ሴት አትቀርም በቀዬው
እከሊት ተዳረች አገባት ካፊሩ
ተብሎ ሲወራ ባገር በመንደሩ
ሰምተህ ብትናደድ ብትነጭ ፀጉርህን
በቁጭት በእልህ ብትነክስ ከንፈርህን
ካለፈ ቡሃላ ምን ያደርግልኛል
አስጥለኝ እያልኩህ ችላ ብለኸኛል
ሐላል እየፈራህ ይብቃ መፈርጠጥህ
ሙስሊሞች ነንና ምረጠኝ ልምረጥህ
እኔም እምቢ ልበል እሱ አይነካኝም
አንተም እምቢ ካልከው መቼም አያገኝም
ዱኒያ ከንቱ ነች ሞልታ የማትሞላ
ግዴለህም በቃ ሀላሉን ደፍረነው ኢማናችን ይሙላ !!!
በአንዲት እህታችን የተፃፈ




Share