ሂጃቧን ጠቅልላ
ሙሰስሊም ነሽ ተብላ
በስም ተሸንግላ
ኡፍፍ እንዴት ይሞቃል
ሂጃብ ያስወልቃል
ውስጥን ያስጨንቃል
ኡሽ ምን አለ ቢቀር
ፀሃዩ ሲከር
ፊትን ሲያጠቁር
ወደዚያ ነው መወርወር
የምን መጨናነቅ
ወንዶች መጡ መሰቅቅ
በዝግታ መሣቅ
እራስን መደበቅ
ኧረገኝ ምን አጨናነቀኝ
የፈለገውን ያርገኝ
የፀሃዩ ሙቀት
የሰዎቹ ንቀት
የመንግስት ህግጋት
አረ ስንቱ አረስንቱን ልቻል
ሁሉም ያስወልቃል
ልቤም ይፈልጋል
ታዲያ ምን አለፋሽ
ሂጃብሽን ትተሽ
እንደልብ መምነሽነሽ
አረ ሲያምርብሽ
የት ነበር ውበትሽ
በጨርቅ ውስጥ ደብቀሽ
ወንዶቹን አጓግተሽ
ፐ…አሁን ነው መሽቀርቀር
ምድሪቷ ላይ መዞር
ነጠር ነጠር ፈንጠር
ብዙም ሳንደበር
ሙስሊሙን ማሳፈር
ይላል የሰይጣን መካሪ
ተግባር አስነዋሪ
ምክሩን እሰማና
ሂጃብ አወልቅና
ከጥግ አቆምና
ፊቴን በመስታወት
አይና በትኩረት
እንደዚህ ነው ዉበት
እላለሁ ለራሴ
በገዛ ምላሴ
ድምፄ ተመልሶ
ስሰማው ቀንሶ
ልቤ ድንግጥ ይላል
ስቃይ ይታየኛል
ፍርሀት ይሰማኛል
ኧረ ምን ነክቶኝ ነው
ድንብርብር የምለው
መላቅጤን ማጣው
ወይ ስቃይ ወይ ስቃይ
የሰይጣን አታላይ
ጨፍሮ ላዬ ላይ
ሃሳቤን ቀይሬ
ሂጃቤን ወርውሬ
በፋሽን አስርና
ልወጣ ስል ገና
ደግሞ ምን ታይቶሽ ነው
ትላለች እናቴ
ፀጉሬ ከአናቴ
ቲሸርት ከእንብርቴ
ሱሪው ተወጥሮ
ሚንስከርቱም አጥሮ
ወንድሜ ያይና
ወይ ጉድ ወይ ጉድ ወይ ፈተና
ደሞ ምን ሆንሽና
መምሰልሽ ማዶና
በቃ እንደዚህ መሆን ነው
ነፃነትም ይህ ነው
ተይ እንጂ እህት አለም
ጠፊ ናት እቺ አለም
ብዙም አንኖርም
አቦ አትጨቅጭቀኝ
ሰላሜን አትንሳኝ
አስቢ እንጂ ልጄ
በልተሻል በእጄ
ምን አጣሽ ከደጄ
መች ተራብኩ አልኩና
በሰፊው ጎዳና
ልበል እንጂ ዘና
አቦ በቃ ተወኝ
ብዙም አትነዝንዙኝ
እስኪ ዞር በልልኝ
ሞዴሊስት መስዬ
ስሄድ በጎዳና
በሽቶ ሳናጋው
የጎረምሳውን ልብ
ባካሄዴ ስስብ
ፉጨቱ ሲነፋ
ወይ እኔ ከርፋፋ
አካሄዴ ጠፋ
እሙ ልጋብዝሽ
ፍረጂ በራስሽ
እራስሽን አርክሰሽ
ልቤን አሸፍተሽ
ልቀቀኝ እስኪ አንዴ
እውነትሽ ነው እንዴ
ምን ይሰራል ክንዴ
እቢ ካልክ ጮሀለሁ
ብዬ ስናገረው
እያገላበጠኝ
በቦክስ ነረተኝ
አሁን ጉዴ ፈላ
በዝች ጎዳና
ራሴን ሳትኩና
ገባሁ በእጃቸው
ምንም ሳላውቃቸው
የሰው ጫጫታ
የእናቴ ዋይታ
ካለሁበት ሲያነቃኝ
ሰው ከቦ ሲያየኝ
ዶክተሩ መጣና
ሁሉን አስወጣና
ሰዎቹን ታውቂያለሽ ?
ብሎ ሲጠይቀኝ
አሁን ገና ገባኝ
ለካስ ጉድ ሆኛለሁ
ክብሬን አጥቻለሁ
ምነው ባልተፈጠርኩ
በፅንስነት በሞትኩ
ኢንዲማ አይባልም
የከፋ ቢመስልም
ተስፋም አንቆርጥም
ቀድሞ ነበር መሸሽ
አሁንም ጊዜ አለሽ
ተውበትን ካደረግሽ
ያረቢ ማረኝ
ለሥራዬ ይቅር በለኝ
ከእሳት አድነኝ
መሰልጠን ነው ብዬ
በዱንያ ታልዩ
ዋ! ጥፋቴ
ደም ሲፈስ ካናቴ
ከመላ አካላቴ
ምን ይውጠኝ ነበር
ያኔ ቢሆን ሞቴ
እህቶቼ ንቁ
ይብቃ አትሳቁ
ሞትን አትናቁ
አሰላሙ አለይኩም
ወአለይኩም አሰላም
ልቤ ካለው ሠላም
ካልሆነ በሩቁ
እየተጠነቀቁ
ገና መች ያልቅና
የሴት ልጅ ፈተና
ከቤት ይነሳና
አንቺንማ ሳላይ
አልወርድም ከዚህ ላይ
የማነሽ አታላይ
እያለ ሚላከፍ
ሞልቷል መንገድ ጫፍ
ክፍቱን ያደረ አፍ
ታዲያ ምን ይሻል
መፍትሄውም ሞልቷል
ከሁሉም የሚሻል
አደራ ሂጃባችሁን
የክብር ጋሻችሁን
ወርቃማ ውበታችሁን
ጨርቅን በመጠቅለል
ሂጃብ ለማስመሰል
በሱም አንታለል
እውነተኛ ሂጃብ
ራስን የሚያሳድብ
የነ አኢሻ ተምሳሌት
የመስዋዕትነት ውጤት
የነብዩ አደራ
የሴት ልጅ ባንዲራ
ሚጠብቅ ከትንኮሳ
ሊተውት ሚያሳሳ
ኢማን የሚጨምር
ለአላህ ያለን ፍቅር
ሁሌም የምታምር
የነብዩ ተዓምር
ለጤናችን ወታደር
ከአስከፊው የፀሃይ ጨረር
ለራሳችን ክብር




Share