መጽሐፋችንን እንወቅ

Author picture
ቁርአን ግልፅ የሆነ ልንስራራበት የሚገባ ሲሆን ለሰው ልጆች በረካ የሆነ መለኮታዊ መጽሐፍ ነው። አሏህ ቁርአንን ተአምር ፣ በረካ ፣ አዳኝ ፣ አስታዋሽ በሚሉ ባህሪያት ጠርቶታል፡፡
መጽሐፋችንን እንወቅ

ቁርአን ግልፅ የሆነ ልንስራራበት እና ልናስተነትንበት የሚገባ ሲሆን ለሰው ልጆች በረካ የሆነ መለኮታዊ መጽሐፍ ነው። አሏህ በቁርአኑ እንዲህ ይላል:-

አል-ቁርአን

(ሱረቱል ሐሽር 59:21)

“ይህንን ቁርአን በተራራ ላይ ባወረድነው ኖሮ ከአሏህ ፍራቻ የተነሳ ተዋራጅ ተሰንጣቂ ሆኖ ባየኸው ነበር። ይህችንም ምሳሌ ያስተነትኑ ዘንድ ለሰዎች እንገልፃለን።”

መሬት ሚዛኑዋን እንድትጠብቅ አጥብቆ በያዛት እና ግርማሞገስን በተላበሰው ተራራ ላይ ያለው ተፅዕኖ እንኳ ውጤቱ ይህ ነው።

  • እውነት የአሏህን ንግግር በመስማታችን ልብችን ይርዳል?
  • የአሏህ ቅጣት አሳማሚነት ተሰምቷት የምታነባ ዐይን ያለችን ስንቶቻችን ነን? እኛ የሰው ልጆች በዚህ ምሳሌ ልናስተነትን ይገባል።

አሏህ (ሱ.ወ.ተ) ቁርአንን ተአምር ፣ በረካ ፣ አዳኝ ፣ አስታዋሽ በሚሉ ባህሪያት ጠርቶታል። በሙስሊም እንደተዘገበው ነብዩ (ሰ.ዐ.ወ) እንዲህ ብለዋል: “ከአሏህ ቤት የአሏህን መጽሐፍ ለመቅራትና በአንድላይ ሊያጠኑት የሚሰባሰቡ ሰዎች የሉም የመንፈስ እርጋታና ምህረት አካቧቸው ፣ መላኢካዎች ከበዋቸውና አሏህ ከነሱ ጋር ሆኖ ቢሆን እንጂ ብለዋል።”

ምልክትና ተአምር 

ቁርአን በራሱ ተአምር የሆነ የአሏህ ንግግር መሆኑን እናውቃለን። ይህ እምነት የእምነታችነን መሠረታዊ ክፍል ይፈጥርልናል። ከዚህ በተጨማሪም አሏህ (ሱ.ወ.ተ) በቁርአን ውስጥ እንዲህ ይላል:-

አል-ቁርአን

(ሱረቱል ኢምራን 3:190)

“በእርግጥ በሰማያትና በምድር ፍጥረት ውስጥ እንዲሁም በሌሊትና በቀን መፈራረቅ ውስጥ ለሚረዱ ሰዎች ምልክቶች አሏቸው።”

ቁርአን ከኛ በላይ ባለው ሰማይ ፣ ከስራችን ባለው መሬት ፣ በዙርያችን ባሉ ዛፎች ፣ አእዋፍት ፣ ሸለቆዎች ፣ ወራጅ ውሃዎች ፣ ባህሮች እንዲሁም በፀሀይ ፣ በጨረቃ ፣ በዝናብ ፣ በከዋክብት ወ.ዘ.ተ እንድናስተነትን በሚያደርጉ አያቶች (ምልክቶች) የተሞላ ነው።

ቁርአን በዙርያችን ባሉ ነገሮች ትልቅም ሆነ ትንሽ እንድናስተነትን ጌታችንን እንድናውቅና እንድናልቀው ይረዳናል።

የቁርአን ተአምር የሚገኘው በመመሪያነቱ ነው። ከዚህ በተጨማሪ ቁርአን ከ1000 ዓመታት በላይ ያልተከለሰ ያልተበረዘ እንዲሁም ያልተቀየረ ነው።

ቁርአን የሰው ልጅ የፈጠራ ስራ ነው ብለው የሚያስቡትን በማስተባበል አሏህ የሰው ልጆችን እንዲህ ሲል ይፈትናቸዋል:-

አል-ቁርአን

(ሱረቱ ጡር 52:34)

“እውነተኞች ከሆኑ ተመሳሳይ የሆነች (አያት) እንዲያመጡ አድርጋቸው።”

አንድም የሰው ልጅ ቁርአንን ወይም አያቶቹን (አንቀፆቹን) የሚመስል ምንም ነገር ማምጣት ወይም መፍጠር አልቻሉም። እንዲያውም እንኳ ወደ አሏህ (ሱ.ወ.ተ) ቃል የተጠጋ ድንቅና ያሸበረቀ ያማረ ስድንባብ አይደለም በአረብኛ በሌላ ቋንቋ እንኳ የፈጠረም ሆነ ያመጣ አንድም የለም።

የቁርአን የሰዋሰው ትክክለኛነት የቅላፄውና የድምፀ ልሳኑ ውበት እስከ ትንሳኤው ቀን ዘላቂ ሲሆን ከቁርአን ጋር የሚመሳሰልም ሆነ የሚጠጋ የቋንቋ ተአምር አልተፈጠረም አይፈጠርም።

አል-ቁርአን

(ሱረቱ ኒሳዕ 4:82)

“ቁርአንን አያስተነትኑትምን? ከአሏህ ውጭ የሆነ ቢሆን ኖሮ ብዙ ቅራኔዎችን እርስበርስ የሚጋጩ ነገሮችን ባገኙበት ነበር።”

ከሁሉም በላይ ከገፅ እስከ ገፅ የሚነበብ በሰው ልጆች አእምሮ እያንዳንዱ ቃል ተሸምድዶ የተቀመጠ ብቸኛው መጽሐፍ ነው።

አል-ቁርአን

(ሱረቱል ሒጅር 15:9)

“በእርግጥ ዚክሩን(ቁርአንን) ያወረድ ነው እኛነን። በእርግጥም እንጠብቀዋለን።”

ቁርአን ከ1400 ዓመታት በፊት የተገለፀ ሲሆን የቁርአንም መልዕክት ታማኝና ታዛዥ በሆኑ የአሏህ ባሪያዎች እየተማሩትና እያስተማሩት ከትውልድ ትውልድ እየተላለፈ እዚህ ላይ ደርሷል።

በቡኻሪ እንደተዘገበው የአሏህ መልዕክተኛ(ሰ.ዐ.ወ) ከእናንተ መካከል በላጩ ቁርአንን ተምሮ ያስተማረ ነው ብለዋል።

እናም ውድ ሙስሊም እህት ወንድሞቼ ጊዜው ሳይጨልምብን የሞትን ቅጣት ከመቅመሳችን በፊት ወደ ቁርአን ወደ ሱና እንመለስ።

አሏህ (ሱ.ወ.ተ) የህይወታቸው መመሪያ ቁርአንና የሐዲስን ካደረጉት እንዲሁም ቁርአንን ለማወቅም ሆነ ለማሳዎቅ ከሚጣጣሩት መካከል ያድርገን። አሚን!!!

Related posts

ቁርአን የደመና እና የዝናብ አፈጣጠርን በተመለከተ ምን ይላል

አላህ እንዲህ ይላል፡- አላህ እንዲህ ይላል፡- “ነፋሶችንም ለምለም አድርገን ላክን፤ ከሰማይም ውሃን አወረድን፤ ከእርሱም አጠጣናችሁ፤ እናንተም ለእርሱ አከማቾች አይደላችሁም።” (አል-ቁርአን15:22) ዘመናዊ ሳይንስ በነዚህ የቁርአን አንቀፆች

Read More »

ቁርአን ስለ ሰው ልጅ ሽል ደረጃዎች

ፅንስ የሚያልፍባቸውን ደረጃዎች በተመለከተ አላህ እንዲህ ይላል፡- አንድ ሰው የሚያልፍባቸው ደረጃዎች፡- ከጭቃ ንጥር፡ የሰው ልጅ አባት የሆነው አደም ከጭቃ ተፈጥሯል። ይህ የሚያመለክተው ሰዎች የተለየ ፍጥረት

Read More »

ቁርአን ስለ ከባቢ አየር

ቁርአን ስለ አየር ግፊት ምን ይላል አላህ እንዲህ ይላል፡- ከዚህ አንቀጽ መረዳት እንደሚቻለው አንድ ሰው ወደ ከባቢ አየር በወጣ ቁጥር መተንፈስ እየከበደው ይሄዳል። ይህም በከባቢ

Read More »

Share