ሞት እና መጭው አለም

Author picture
ሞት ምንኛውም ሰው ከሷ ማምለጥ የማይችላት እውነታ ናት። በእያንዳንዷ ቀን ፣ ሰዓት እና ደቂቃ ወደ እሷ ነው የምንቀርበው። በ2007 በወጣው የሲ አይኤ ፍክት ቡክ መረጃ መሰረት በእያንዳንዷ ደቂቃ ሁለት ሰዎች ይሞታሉ።
ሞት እና መጭው አለም

በአሏህ ስም እጅግ በጣም ርህሩህ እጅግ በጣም አዛኝ በሆነው።

አሏህ በቁርአኑ በሱረቱል አንቀቡጥ አንቀፅ 57 ላይ እንዲህ ይላል፦


{57} ሁሏም ነፍስ ሞትን ቀማሽ ናት።

             {አል-ቁርአን 29:57}

ሞት ምንኛውም ሰው ከሷ ማምለጥ የማይችላት እውነታ ናት። በእያንዳንዷ ቀን ፣ ሰዓት እና ደቂቃ ወደ እሷ ነው የምንቀርበው።

በ2007 በወጣው የሲ አይኤ ፍክት ቡክ መረጃ መሰረት በእያንዳንዷ ደቂቃ ሁለት ሰዎች ይሞታሉ። ይህ በአመት ሲሰላ ደግሞ 57.9 ሚልዪን ሰዎች የሞትን እጣፋንታ ይቀምሳሉ።

ሞት ከዱንያ ወደ አሂራ የሚደረግ ጉዞ እንጅ አደጋ አይደለም። ሆኖም ስለሞት ማስታወሳችን የመፈጠራች አላማ ምን እንደሆነና ከሞት ብኋላ ላለው ህይወት እንድናሰላስልና  እንድናስተነትን ያደርገናል።

{78} የትም ስፍራ ብትሆን በጠነከሩ ህንፃዎች ውስጥ ብትሆንም እንኳ ሞት ያገኛችኋል።

{አል-ቁርአን 4:78}

አሏሁ አዘወጀል የፈጠረን እሱን በብቸኝነት ከመገዛት አላማ ጋር እንደሆነ በቁርአኑ አሳውቆናል።

{56} የሰው ልጅንም ሆነ አጋንትን አልፈጠርኳቸውም እኔን ሊገዙኝ ቢሆን እንጅ።

{አል-ቀርአን 51:56}

እንዲሁም በሌላ የቁርአን አያ ሞትና ህይወትን የፈጠረበትን አላማ ሲገልፅ እንዱህ አለ፦

{2} ያ የትኛችሁ ስራው ይበልጥ ያማረ መሆኑን ሊሞክራችሁ ሞትና ህይወትን የፈጠረ ነው። እሱም አሸናፊ መሐሪ ነው።

              {አል-ቁርአን 67:2}

አንድ ሰው ለቅሬ ገንዘብ ስለከፈለ ወይም ደግሞ የሚቀበርበትን ቦታ ተናዞ ስለ ተናዘዘ ለሞት ተዘጋጅቷል ማለት አይቻልም።

ይልቁንም በህይወት እያለ የሚፈልገውን ነገር አሟልቷል ነው ልንል የምንችለው።

አሏህን መገዛት ማለት በትዕዛዙ መሰረት ህይወትን መምራትና መልካም ስራዎችን መስራት ሲሆን ለሞት መዘጋጀት ማለት ደግሞ ለአኺራ የሚሆነንን መልካም ስራ በመስራት ስንቅ መያዝ ማለት ነው።

ኢባዳ ወይም የአምልኮት ተግባር የሚለው ፅንሰ ሃሳብ በኢስላም ሁሉን አቀፍ እንጅ ለሶላት ወይም ለዱአ ብቻ አይደለም።

ስለዚህ አሏህን የሚያስደስት ማንኛውም ተግባር እንደ ኢባዳ ወይም እንደ አምልኮት ተግባር ይቆጠራል። በዚህም መልካም ሰሪ አማኞች ይመነዱበታል።

አንድ ምሳሌ እናንሳ ሁለት ሰዎች ወደ ማያውቁት ሃገር ለመጓዝ ትኬት ቢቆርጡና አንደኛው ከመሄዱ በፊት ስለዛ ሐገር ቋንቋ ፣ ባህል ፣ ስርዓት ቢማርና  ሌላኛው ደግሞ እነዚህን ነገሮች ሳይማር ቢቀር ያለምንም ችግር ፣ ያለምንም መጨናነቅና ፍርሃት ብዙም ግራ ሳይጋባ እዛ ሐገር በደስታ የሚኖረው የትኛው ነው ብላችሁ ታስባላችሁ?  አሏህ እንዲህ አይነቱን ሰው ሲገልፅ ነበር በቁርአኑ እንዲህ ያለው፦

{99} (ከነሱ መካከል) በአንዳቸው ላይ ሞት በመጣበት ጊዜ ጌታየ ሆይ! መልሰህ ላከኝ ይላል። {100} በተውኩት ነገር በጎን ልሰራ እከጅላለሁና ይላል።

{አል-ቁርአን 23:99-100}

ጀሐነም የገቡ ሰዎች ጀሃነም ምን እንዳስገባቸው በተጠየቁ ጊዜ የሚሰጡትን መልስ አሏህ በቁርአኑ አስቀምጦታል።

“ከሰጋጆች አልነበርንም ይላሉ። ሚስኪኖችንም አናበላም ነበር። ከዘባራቂዎች ጋር እንዘባርቅ ነበር። በፍርዱ ቀንም እናስተባብል(እንዋሽ) ነበር። ጥርጣሬ የሌለው(ሞት) እስኪመጣብን ጊዜ ድረስ ይላሉ።”

          {አል-ቁርአን 74:43-47}
የመፈጠራችን አላማ 

{115} ያለምንም አላማ ለጨዋታ የፈጠርናችሁና ወደ እኛ እንደማትመለሱ ታስባላችሁን?

{አል-ቁርአን 23:115}

በዱንያ ህይወት እያንዳንዷ ስራችን ትመዘገባለች አሏህ (ሰ.ወ.ተ) በሱረቱል ካህፍ አንቀጽ 49 ላይ እንዲህ ይላል፦

{49} መጽሐፉ ይሰጣቸዋል፤ ሙጅሪሞችም በውስጡ በተመዘገበው ነገር ፈሪዎች ሆነው ታያቸዋለህ። ዋ! ጥፋታችን በቁጥር የተመዘገበ ቢሆን እንጅ ትንሽንም ትልቅንም ነገር የማይተው የሆነ ምን አይነት መጽሐፍ ነው ይላሉ። የሰሩትንም ስራ ሁሉ ከፊትለፊታቸው ተቀምጦ ያገኙታል። ጌታህም አንድንም አይበድልም።           

{አል-ቁርአን 18:49}

{8} ያ ከእሱ የምትሸሹት ሞት እሱ በእርግጥ ያገኛችኋል። ከዚያም ሩቅንና ቅርቡን አዋቂ ወደ ሆነው ጌታ ትመለሳላችሁ በላቸው።

{አል-ቁርአን 62:8}

እነዚያ በአሏህ የአመኑና መልካም ስራዎችን አጥርተው ለአሏህ ብለው የሰሩ በጀነት ይመነዳሉ።

“በእርግጥ የጀነት ሰዎች ያን ቀን በአስደሳች ነገሮች ይጨናነቃሉ። እነሱና ሚስቶቻቸው ደስ የሚል ጥላ ውስጥ ሆነው በዝፋኖች ላይም ጋድም ይላሉ። በውስጧም ፍራፍሬዎችና የሚጠይቁት ነገር ሁሉ አላቸው።”

{አል-ቁርአን 36:55-57}

የአሏህ መልዕክተኛ (ሰ.ዐ.ወ) አሏህ (ሱ.ወ.ተ) አይኖች አይተውት የማያውቁ ጆሮዎች ሰምተውት የማያውቁ የሰው ልጆች ልብ አስቦት የማያውቅ ውብ ነገሮችን ለደጋግ ባሮቼ አዘጋጅቻለሁ ብሏል ብለዋል።

★
የመጨረሻ እስትንፋስ

እያንዳንዷ እስትንፋሳችን አየር ወደ ውስጥ ማስገባትና ማስወጣትን የያዘ ሲሆን አንዱ ሌላውን ያለ ማቆም ይከተላል። ይህ ሂደት በተፈጥሮ ያለኛ ቁጥጥር ወይም ንቃተ ህሊና ይፈጠራል።

እያንዳንዷ እስትንፋሳችነም በህይወት ለመቆየት ምክኒያት ነው። በእያንዳንዷ እስትንፋሳችነም ህይወታችን ይራዘማል።

ነገርግን ይህ አንድ ቀን ያቆማል። ያኔ የመጨረሻ እስትንፋሳችን ላይ ቀልባችን በምን ሁኔታ ላይ ይሆን?

በዚህ መጽሐፍ ኡስማን ኑሪ ቶፕባሽ ለሞት የመዘጋጀትን አስፈላጊነት ይጠቁመናል። እያንዳንዱ ህይወት ያለው ፍጡር በሙሉ ይሞታል።

ይሁን እንጅ ሁሉም ህይወት ያላቸው ፍጡራኖች ለዚህ ለመጨረሻ እስትንፋስ በመዘጋጀት ህይወታቸውን አያሳልፉም።

0%
10
Question report close icon

Report a question

You cannot submit an empty report. Please add some details.
Question report loader icon
Created by Ahmed Yesuf

ሞት እና ስርአተ ቀብር

ጥያቄና መልስ፡ ሞት እና የህይወት እውነታ

‹‹የሞት እና የህይወት እውነታ››የሚለው ትምህርት ፈተና 5 ጥያቄዎችን ይዟል። ፈተናውን ለማለፍ 4 ጥያቄዎችን በትክክል መመለስ አለባችሁ።

1 / 5

Bookmark question icon

1 የአንድ ሰው ትንሳኤ እና የመጭው አለም ህይወት የሚጀምረው በሞቱ ነው፡፡

2 / 5

Bookmark question icon

2 የታመመ ሰው በሞት አፋፍ ላይ በሚሆን ጊዜ_____ ማድረጉ የተወደደ ነው፡፡

3 / 5

Bookmark question icon

3 ‹‹አትፍራ! አሏህ ከሻ (በዚህ) መንፃት ነውና፡፡›› ይህ ለ_____ የሚባል ፀሎት ነው፡፡

4 / 5

Bookmark question icon

4 ‹‹አሏህ ይህን ሃይማኖት ለእናንተ መረጠላችሁ፡፡ ሙስሊም ሆናችሁ እንጅ እንዳትሞቱ፡፡›› (ሱረቱል በቀራ 132) ይህ የማን ምክር ነው?

5 / 5

Bookmark question icon

5 ነብዩ (ሰ.ዐ.ወ) በዚህ አለም ህይወት ውስጥ የሰው ልጅ ሁኔታ አንዲት የዛፍ ጥላ ስር ማረፍ ፈልጎ እንደሚተኛ እና ከዚያም ተነስቶ እንደሚሄድ መንገደኛ ሰው ጋር አነፃፅረውታል፡፡ ይህ ንፅፅር የሚያመላክተው_____

የተሳታፊ መረጃ

Your score is

The average score is 57%

0%

ለሰጡን ሀሳብ አስተያየት እናመሰግናለን!

Related posts

እስልምና እና እውቀት

የእስልምና ሃይማኖት ሁሉም ሰዎች እውቀት እንዲፈልጉ እና እውቀታቸውን እንዲጨምሩ ያበረታታል። ድንቁርናን ያወግዛል እንዲሁም ያስጠነቅቃል። አላህ እንዲህ ይላል፡- እውቀት መፈለግ ፣ መማር እና ማስተማር ወደ ጀነት

Read More »

እስልምና የሰላም ሃይማኖት

እስልምና ማለት ለአላህ መታዘዝ ፣ ትዕዛዙን በመፈጸም ላይ ጽናት ማሳየት፣ ከአላህ ሌላ ማንኛውንም አካል ከማምለክ ነፃ መሆን ማለት ነው።

Read More »
እስልምና እና ማህበረሰብ

እስልምና እና ማህበረሰብ

እስልምና አካባቢን እንድንከባከብና እንድንጠብቅ ያዛል። በዚህም ምክንያት እስልምና በምንም መልኩ አካባቢን መበከል ይከለክላል። ጠቃሚ እፅዋት እና ዛፎችን መትከል ያበረታታል።

Read More »
እስልምና እና ጅሃድ

እስልምና እና ጅሃድ

በእስልምና ውስጥ በብዛት ሰዎች ከሚሳሳቱባቸው ቃላት አንዱ “ጅሃድ” የሚለው ነው። በሚያሳዝን ሁኔታ “ጅሃድ” የሚለው ቃል አላግባብ ጥቅም ላይ ውሏል፡፡ በዚህም ምክንያት ብዙ ሰዎች ከጦርነት እና

Read More »

Share