እስልምና ሴትን ልጅ ከጉዳት እና ከወንዶች የዥሙት እይታ ሊከላከላት ይሻልና ሙሉ ሰውነቷን የሚሸፍን ሂጃብ በመልበስ ጨዋነቷን እንድትጠብቅ አዟል። አሏህ በቁርአኑ እንዲህ ብሏል፡
አል-ቁርአን
(ሱረቱል አህዛብ 33፡59)
አንተ ነብይ ሆይ! ለሚስቶችህ ፣ ለሴት ልጆችህ እና ለሙእሚኖች ሴቶች መከናነቢያ አይነ እርግባቸውን በላያቸው ላይ እንዲለቁ ንገራቸው። ይህ እንዲታወቁና እንዳይደፈሩ ለመሆን በላጭ ነው።”
እንዲህም ብሏል፡
አል-ቁርአን
(ሱረቱ ኑር 24፡31)
ጌጣቸውን ያ ግልፅ ከሆነው በቀር አይግለጡ
ሙስሊም ሴት ሂጃብ የምትለብሰው አሏህ በቁርአኑ ስላዘዛት ነው፤ እንዲሁም ነብዩ ሙሐመድ (ሰ.ዐ.ወ) እንድትለብስ በማዘዛቸው ምክኒያት ነው። ሂጃብ መልበስ አሏህን መታዘዝ ነው። የንፅህና ፣ የጨዋነት እና የኢማን ምልክት ነው። ሒጃብ የሚከተሉትን ቅድመ ሁኔታዎች መሟላት አለበት።

- ሙሉ አካልን መሸፈን አለበት
- ሰውነትን የሚያጣብቅ ወይም አካልን የሚያሳይ መሆን የለበትም
- የአካል ክፍል እንዳይታይ ላላ ብሎ መንጠልጠል አለበት
- የወንዶችን ልብስ መምሰል የለበትም
- የወንዶችን ትኩረት የሚሥብ ምንም አይነት የአሰራር ጌጥ ወይም የሰውነት ቅርፅ የማያወጣ መሆን አለበት
- ሙስሊም ካልሆኑ ሴቶች ልብስ ጋር የሚመሳሰል መሆን የለበትም
ሒጃብ መልበስ ባህላዊ ልማድ አይደለም። ይልቁንም ለባሮቹ የተሻለውን ነገር የሚያውቀው ሃያሉ አሏህን የመታዘዝ መገለጫ ነው። በሙስሊሙ አለም ውስጥ የሚኖሩ አንዳንድ ሴቶች ሒጃብ መለኮታዊ ትዕዛዝ መሆኑን የማያውቁ አይለብሱትም።
አንዳንዶቹ ደግሞ ባህላዊ ልምድ እና ማህበራዊ ሸህም እንደሆነ ያምናሉ፤ አይለብሱምም።
አንዳንዶቹ ሐገራቸው ውስጥ ሲሆኑ ይለብሳሉ። ነገርግን ከሐገር ውጭ ወጥተው ሲሄዱ ደግሞ ያወልቁታል።

ሴቶች በእስልምና ልዩ እንክብካቤ እና ጥበቃ እንደሚፈልግ እንቁ አልማዝ ናቸው። ያለምንም ጥርጥር ሂጃብ ሴቶች እራሳቸውን የሚጠብቁበት እጅግ በላጩ መንገድ ነው። በእርግጥ ክብሯን እና መልካም ምግባሯን እንድትጠብቅ ይረዳታል።
ሂጃብ የምትለብስ ሙስሊም ሴት የተከበረች ፣ ጨዋ ፣ ጥሩ አህላቅ መልካም ምግባር የተላበሰች በመጭው አለም ህይወት የትለቅ ምንዳ ባለቤት ናት።




Share