ሩኩዕ ማለት በሶላት ውስጥ የማጎንበስ ተግባር ነው። ጉልቢን እንደሚይዙ ጣቶችን ዘርዘር አድርጎ መዳፉን ጉልበት ላይ በማስቀመጥ ማጎንበስ ነው። ክርኖች ከፊት እና ከጎን በኩል ራቅ ማለት አለባቸው።
ጀርባ ቀጥ ብሎ ከወለሉ ጋር ትይዩ መሆን አለበት። እራስ ወደ ላይም ወደታችም መታጠፍ የለበትም። በቃ መካከለኛ።
ሩኩዕ ላይ ቅዱስ ቁርአን መቅራት አይፈቀድም። ይልቁንም አሏህን ማላቅ ይኖርብናል። ነብዩ ሙሐመድ (ሰ.ዐ.ወ) ሩኩዕ ላይ ያነቡት የነበረው ዚክር ሱነብሃነ ረቢየል አዚም (ታላቅ የሆነው ጌታ ከጉድለቶች ሁሉ የጠራ ነው) የሚለው ነው። እኛም ማድረግ ያለብን ይህንኑ ነው።
ነብዩ (ሰ.ዐ.ወ) እነዲህ አሉ፡
ነብዩ ሙሐመድ (ሰ.ዐ.ወ)
(ሙስሊም)
“(ሶላት ውስጥ ሱጁድ ወይም ሩኩዕ ባደረኩ ጊዜ ቁርአን መቅራትን ተከለከልኩ። በሩኩዕ ላይ ጌታችሁን አልቁ፤ ስጁድ ላይ ብዙ ዱአ አድርጉ፤ ዱአችሁ ምላሽ ለማግኘት የቀረበ ነውና።”

ሶላት እና ሱጁድ ተመልከቱ




Share