አሹራ በጨረቃ የቀን አቆጣጠር መሰረት የሙሐረም ወር አስረኛ ቀን ነው። ነብዩ (ሰ.ዐ.ወ) በዚህ ቀን ይፆሙ ነበር። ሙስሊሞችም በዚህ ቀን እንዲፆሙ ያበረታቱ ነበር።
ኢብን አባስ እንዳስተላለፈው ነብዩ (ሰ.ዐ.ወ) መዲና በደረሱ ጊዜ ይሁዳዎች የአሹራን ቀን እየፆሙ አገኟቸውና ጠየቋቸው
“እየፆማችሁ ያላችሁት ይህ ቀን ምንድን ነው?” እነሱም እንዲህ ሲሉ መልሱላቸው “ይህ የተባረከ ቀን ነው። በዚህ ቀን አሏህ የእስራኤልን ልጆች ከጠላታቸው ፊርአውን አድኗቸዋል። ነብዩ ሙሳ (አሏህን በማመስገን) ፆመውታል አሏቸው።” ነብዩ (ሰ.ዐ.ወ) እንዲህ አሉ፡ “የሙሳማ ከእናንተ ይልቅ እኔን በጣም ይገባኛል።” እናም ያን ቀን ፆሙ። ሌሎች እንዲፆሙም አዘዙ።” (ቡኻሪ)

በተከታዩ አመት ሙስሊሞች የረመዷን ወር እንዲፆሙ አሏህ አዘዛቸው። እናም የአሹራ ቀን ፆም ግዴታ ያልሆነ በምርጫ የሚሰራ ሆነ። ቡኻሪ እንደገለፁት ነብዩ (ሰ.ዐ.ወ) መካ ውስጥ እያሉ እንኳ ይንን ቀን ይፆሙ ነበር።
በህይወታቸው ፍፃሜ ማብቂያ ላይ ነብዩ (ሰ.ዐ.ወ) ሙስሊሞች ከአይሁዳዎች እራሳቸውን እንዲለዩ ለማድረግ ከበፊቱ ወይም ከበስተኋላው ሌላ ቀን ጨምረው ካልሆነ በቀር ይህንን ቀን ብቻውን እንዳይፆሙ ወሰኑ። እንዲህም አሉ፡
ነብዩ ሙሐመድ (ሰ.ዐ.ወ)
(ኢማሙ አህመድ)
“እስከ ቀጣይ አመት ከቆየሁ (የሙሐረምን) ዘጠንኛውን ከእሱ ጋር እፆማለሁ” አሉ። ነገርግን ተከታዩ አመት ከመምጣቱ በፊት ነብዩ (ሰ.ዐ.ወ) ሞቱ። ሙስሊም እንዲህም ብለዋል “የአሹራን ቀን ፁሙ፤ ከቀኑ በፊት ወይም በኋላ ጨምራችሁ በመፆም ከአይሁዳዎች ተለዩ”
ይህን ቀን መፆም ትልቅ ጥቅሞች አሉት። ነብዩ (ሰ.ዐ.ወ) እንዲህ አሉ፡
ነብዩ ሙሐመድ (ሰ.ዐ.ወ)
(ሙስሊም)
“የአሹራን ቀን መፆም ያለፈውን አመት (ትንንሽ ወንጀሎች) ያብሳል።”
ነገርግን እነዚህ ትንንሽ ወንጀሎች የሚታበሱት አንድ ሰው ከትልልቅ ወንጀሎች ከራቀ ወይም ከሸሸ ብቻ ነው። ኢብነል ቀይም እንዲህ አለ፡
“ረመዷን መፆም እና በቀን አምስት ጊዜ መስገድ በአረፋ እና በአሹራ ቀን ከመፆም በላይ የበለጠ ነው። ምክኒያቱም በረመዷን እና በቀጣዩ ወይም በጁምአ እና በሌላኛው መካከል ያሉ ሃጢትን ከትልልቅ ወንጀሎች እስከራቀ ድረስ ያብሳልና። ነገርግን ትንንሽ ወንጀሎችን ማበስ አይችሉም ትልልቅ ወንጀሎችን እስካልተወ ድረስ።”



Share