ረመዷን በእስልምና የቀናት አቆጣጠር መሰረት ዘጠንኛው ወር ነው። በዚህ ወር ከንጋት ጀምሮ ፀሐይ እስከምትጠልቅበት ጊዜ ድረስ በጥብቅ ይፆማል።
ይህን ወር መፆም ከአምስቱ የእስልምና ምሰሶዎች ውስጥ አንዱ ነው። በነብዩ (ሰ.ዐ.ወ) ሱና እንደተገለፀው የረመዷንን ወር መፆም ብዙ ጥቅሞች አሉት። የሚከተሉት የተወሰኑት ናቸው።

- የፆመኛ ሰው አፍ ሽታ ከሚስክ ሽታ በላይ ተወዳጅ ነው። (ቡኻሪ)
- ፆመኛ ሰው ሁለት የደስታ ጊዜያቶች አሉት፤ አንዱ ፆሙን ሲፈታ እና ሌላኛው ደግሞ ጌታውን ሲያገኝ በመፆሙ የሚደሰተው ነው። (ቡኻሪና ሙስሊም)
- ጀነት ውስጥ ፆመኞች ብቻ የሚገቡበት ረያን ተብሎ የሚጠራ በር አለ። በእሱ የሚገባ የለም እነሱ (ፆመኞች) ቢሆኑ እንጅ። (ቡኻሪ)
- በዚህ ወር የጀነት በሮች ይከፈታሉ ፣ የጀሐነም በሮች ይዘጋሉ ፣ አጋንቶችም ተጠፍረው ይታሰራሉ። (ቡኻሪ)
- አሏህ ፆምን ለእራሱ መረጠ፤ እናም የሚመነዳው እሱ ነው። ምንዳውን የሚያባዛው ያለልኬታ (ያለሂሳብ) ነው ሐዲሰል ቁድሲ ውስጥ እንዳለው “..ፆም ሲቀር እሱ ብቻ ለእኔ ነው። ለእሱም እኔ እመነዳዋለሁ።” (ቡኻሪ)
- በእያንዳንዱ የረመዷን ምሽት አሏህ ሰዎችን ከጀሐነም እሳት ያድናል። (ትርሚዚ ተዘግቦታል፤ አል-ሃኪም ሶሂህ ብለውታል)
- ለይለቱል ቀድር (የድንጋጌይቱ ሌሊት) ከሽህ ወራቶች በላይ በላጭ ነው። የሚገኘውም በዚሁ ወር ውስጥ ነው። በዚህ ሌሊት ምንዳውን እንደሚያገኝ አምኖ እና ተስፋ አድርጎ ሶላቶችን የሰገደ ያለፉ ወንጀሎቹ ሁሉ ይማሩለታል። (ቡኻሪ እና ሙስሊም)

በእርግጥ የረመዷን ወር ልክ እንደ ትምህርት ተቋም ነው። ደግነት እና ሃይማኖተኛነትን ያስተምራል።
ሙስሊሞች ይህን ወር ሲፆሙ ከምግብ ፣ ከመጠጥ እና ከግብረስጋግኑኝነት ብቻ አይደለም የሚታቀቡት ይልቁንም በሚችሉት አቅም ሁሉንም የሃጢያት ተግባራቶች ለማስወገድ ይታገላሉ።
ነብዩ ሙሐመድ (ሰ.ዐ.ወ) አሉ፡ “አንዳችሁ በፆማችሁ ጊዜ መጥፎ ቃልን አይጠቀም ወይም የብልግናን ተግባር አይፈፅም። የሆነ ሰው ከተፋለመው ወይም ከሰደበው “እኔ ፆመኛ ነኝ! እኔ ፆመኛ ነኝ!” ይበለው ብለዋል። (ቡኻሪና ሙስሊም)
እንዲህም ብለዋል፡ “(ፆመኛ ሆኖ) መጥፎ ንግግርን እና ተግባርን ያልተወ ሰው ምግብ እና መጠጥ መተውን አሏህ አይፈልግም።” (ቡኻሪ)
ሃያሉ ፣ ጥበበኛው የአለማት ጌታ፤ የሰው ልጆችን ሁሉ የፈጠረ ጌታ ለፉጡራኖቹ የተሻለውን ነገር እሱ ያውቃል። በሚያዛቸው ነገሮች ሁሉ በጎ አለ። ይህን በጎ ነገር በእኛ ውስን እውቀት ላንረዳው እንችል የሆናል እንጅ ሁሉም ነገር ለበጎ ነው።
ትዕዛዛቱን መታዘዝ እና የከለከላቸውን ነገሮች መራቅ አለብን። እንዲሁም አለማዊና ቁሳዊ ነገሮችን አለመፈለግ ይኖርብናል። አሏህ እንደሚለው
“ብታውቁ መፆማችሁ ለእናንተ በላጭ ነው።”
ፆም ፣ ለይለቱል ቀድር ፣ ሐዲሰል ቁድሲ እና ኢእቲካፍ ተመልከቱ




Share