
አሏህ ጅኖችን የፈጠራቸው ጭስ አልባ ከሆነ የእሳት ነበልባል ነው። ጅን ብዙ ቁጥር አመልካች ሲሆን ነጠላ ቁጥር አመልካች የሆነው ቃል ጅኒ የሚለው ነው።
አንዳንድ ሰዎች በተሳሳተ መንገድ እንደሚያምኑት ጅኖች የወደቁ መልአክቶች ወይም መላኢካ አይደሉም። አሏህ እንዲህ ይላል፡
አል-ቁርአን
(ሱረቱ ረህማን 55፡15)
ጅኖችን ከጭስ አልባ የእሳት ነበልባል ፈጠራቸው።

አኢሻ (ረ.ዐ) እንዳስተላለፈችው ነብዩ ሙሐመድ (ሰ.ዐ.ወ) እንዲህ አሉ:
ነብዩ ሙሐመድ (ሰ.ዐ.ወ)
(ኢማሙ አህመድ)
”መልአክቶች ከብርሃን ተፈጠሩ፤ ጅኖች ከጭስ አልባ የእሳት ነበልባል ተፈጠሩ፤ አደም (በቁርአን እና በሱና) ውስጥ እንደተገለፀላችሁ ተፈጠረ።”
የመጀመሪያው አልታዘዝም ባይ እምቢተኛ ጅን ኢብሊስ ነው። ጅኖች የእራሳቸው የሆነ ዘር እና ህይወት ያላቸው ፍጡር እንደሆኑ የቁርአን እና የሐዲስ አስተምህሮ ያስረዳል።
ልክ እንደ ሰው ልጆች ሊያምኑ ወይም ሊክዱ ፣ መመሪያውን ሊቀበሉ ወይም ላይቀበሉ ይችላሉ። አሏህ ስለእነሱ ሲናገር
አል-ቁርአን
(ሱረቱል ጅን 72፡11)
ከእኛም መካከል ደጎች አሉ፤ የዚህ ተፃራሪዎችም አሉ። የተለያየ መንገድን የምንከተል ቡድኖች ነን።
ከጅኖቹ መካከል የሆኑ ቡድኖች ቅዱስ ቁርአን ሲቀሩ በትልቅ አክብሮት እና እምነት ያደምጣሉ።
አል-ቁርአን
(ሱረቱል አህቃፍ 46፡29-32)
አስታውስ ከጅኖች የሆኑ ነፍራን (ቡድኖች) ወደ አንተ በላክን ጊዜ ቁርአንን የሚያደምጡ ሲሆኑ እዚያው በቆሙበት ዝምብላችሁ አድምጡ ተባባሉ። በተጨረሰ ጊዜ ወደ ህዝቦቻቸው አስጠንቃቂ ሆነው ተመለሱ። አሉም፡ ህዝቦቻችን ሆይ! በእርግጥ ከሙሳ በኋላ የወረደውን ፣ ከእሱ በፊት የመጣውን የሚያረጋግጥ ፣ ወደ እውነት እና ወደ ቀጥተኛው መንገድ የሚመራ መጽሐፍ ሰማን። ወገኖቻችን ሆይ! ለአሏህ ተጣሪ ታዘዙ፤ በእሱም እመኑ። (አሏህ) ሃጢያታችሁን ይምርላችኋል፤ ከአሳማሚውም ቅጣት ያድናችኋልና። (ከእሱ) ውጭ ለእሱ አውልያ(ጠባቂ) የለውም። እነዚያ በግልፅ ስህተት (ጥመት) ላይ ናቸው።

ጅኖች የሚበሉ ፣ የሚጠጡ ፣ የሚጋቡ እና የሚራቡ የተገለሉ ፍጡሮች ናቸው። የተለያዩ ነገሮችን የመምሰል ብቃት ያላቸው ሲሆኑ የሰው ልጆች ሊያደርጓቸው ወይም ሊሰሯቸው የማይችሉትን ድንቅ ተግባራትን የመፈፀም ሃይል አላቸው።
ነገርግን የሩቅን ሚስጥር ወይም ያልታየው (ገይብ) ነገር አያውቁም። የራሳቸው የሆነም ምርጫ (ፈቃድ) አላቸው። በመሆኑም በሰሩት ነገር ላይ ይጠየቃሉ።
ኢብሊስ ፣ ሸይጧን እና ነብዩ ሱለይማን ተመልከቱ


Share