ኢማን ወይም እምነት ስለ እስልምና እውነተኛነት በምላስ መመስከርን ፣ በልብ ማመን እና መልካም ተግባርትን በመፈፀም ማሳየትን አቅፎ ይይዛል።
ስድስቱ የኢማን ምሰሶዎች በሚከተሉት ማመን በአሏህ ፣ በመልአክቶች ፣ በመጽሐፍት ፣ በመልዕክተኞች ፣ በመጨረሻው ቀን ፣ ጥሩም ይሁን መጥፎ በመለኮታዊ ድንጋጌ ማመን ናቸው።

ኢማን የሚከተሉትን ይይዛል፡-
- አሏህ ስለመኖሩ ፣ የፍጥረተ አለሙ እና በውስጡ ያሉ ነገሮች ሁሉ ጌታ ስለመሆኑ አጥብቆ ማመን
- አሏህ ከፍጡራኑ ጋር የማይመሳሰሉ ውብና ፈፅሞ እንከን የሌለባቸው ስምና ባህርያቶች ያሉት መሆኑን ማመን
- አምልኮ የሚገባው አሏህ ብቻ መሆኑን ማመን

እንዲሁም ኢማን በአሏህ እና በመልእክተኛው የተጠቀሱ ነገሮችን ለምሳሌ ጀሐነም ፣ ጀነት ፣ ሲራጥ ፣ አል-ከውሰር ፣ በፍርዱ ቀን የሰው ልጅ ስራ የሚመዘንበት ሚዛን ስለመኖሩ ማመን አብሮ ይይዛል።

ኢማን ምልክቶች አሉት። አንዳንዶቹ በተከታዩ የነብዩ (ሰ.ዐ.ወ) ንግግር ተጠቅሰዋል።
ነብዩ ሙሐመድ (ሰ.ዐ.ወ)
(ቡኻሪ)
“አንዳችሁም አላመናችሁም ለእራሱ የወደደውን ነገር ለመንድሙ እስካልወደደ ድረስ።”

ነብዩ (ሰ.ዐ.ወ) አሉ፡ “የሚከተሉት ሶስት ባህርያቶች ያሉት ሰው የኢማን ጥፍጥና(ቃና) ይኖረዋል።
- ለእሱ ከምንም ነገር በላይ አሏህ እና መልዕክተኛው ውድ የሆኑለት
- ሰውን የሚወድ እና ውዴታውም ለአሏህ ብቻ ብሎ የሆነ
- ወደ ጀሐነም እሳት መወርወርን እንደሚጠላ ሁሉ መክፈርን መጥመምን የሚጠላ የሆነ።” (ቡኻሪ)
ነብዩ ሙሐመድ (ሰ.ዐ.ወ)
(ሙስሊም)
“በአሏህ እና በመጨረሻው ቀን ያመነ ሰው መልካም ነገር ይናገር ወይም ዝም ይበል። በአሏህ እና በመጨረሻው ቀን ያመነ ለጎረቤቱ ደግ ይሁን። በአሏህ እና በመጨረሻው ቀን ያመነ ለእንግዳው ደግ ይሁን።”

መልካም ስራዎችን መስራት ኢማን ይጨምራል። መጥፎ ስራዎችን መስራት ደግሞ ኢማን ይቀንሳል። ጀነት ውስጥ የሚገቡት ሙዕሚኖች (አማኞች) ብቻ ናቸው።
ትንሽየ የብናኝ ክብደት ያህል ኢማን ያለችው ሰው እንኳ ቢሆን ጀሃነም ውስጥ ለዘላለሙ አይኖርም።
አሏህ ፣ መላኢካ ፣ የውመል ቂያማ ፣ ረሱል ፣ ቀደር ፣ ጀነት ፣ ጀሐነም እና ሲራጥ ተመልከቱ


Share