ተውሂድ (አሃዳዊነት) የአሏህን አንድነት በጌታነቱ (ተውሂደል ሩቡቢያ) ፣ በአምልኮቱ (ተውሂደል ኡሉሂያ) እና ፍፆም አንከን የሌለባቸው ስምና ባህሪያት (ተውሂደል አስማኡ ወሲፋት) መረዳት ማመን እና ማረጋገጥ ነው።

እነዚህ ሶስት የተውሂድ አይነቶች እንደሚከተለው ተገልፀዋል።
- ተውሂደል ሩቡቢያ፡
ማለት በዚህ ፍጥረተ አለም ላይ እና በውስጣቸው ያለ ነገር ሁሉ ጌታ አንድ አሏህ ብቻ ነው ብሎ ማመን ነው። የሁሉም ነገር ፈጣሪ እና አስገኝ አንድ አሏህ ብቻ ነው።
- ተውሂደል ኡሉሂያ፡
ማለት ከአሏህ በቀር ሊያመልኩት የሚገባ አንድም ነገር አለመኖሩን ማመን ነው። ሁሉም የአምልኮት ተግባራት ለምሳሌ ስግደት ፣ ፆም ፣ ስለት ፣ መሃላ ወ.ዘ.ተ የሚገባው ለእሱ ብቻ ማድረግ ነው።
- ተውሂደል አስማኡ ወሲፋት፡
ማለት አሏህ ውብ እና ፍፁም እንከን የሌላቸው ስምና ባህርያት አሉት ብሎ ማመን ሲሆን ትርጉማቸውን ሳይቀይሩና ሳያጣሙ ፣ ከፍጡራኖቹ ጋር ሳያመሳስሉ የእሱ ብቻ መሆናቸውን ማመን እና ማረጋገጥ ነው። ቅዱስ ቁርአን እንዲህ ይላል፡
አል-ቁርአን
(ሱረቱ ሹራ 42፡11)
እሱን የሚመስል ምን ነገር የለም። እሱ ሁሉን ሰሚ ሁሉን ተመልካች ነው።
ሽርክ የተውሂድ ተቃራኒ ነው። ሽርክ አሏህ ፈፅሞ የማይምረው ወንጀል ነው።
ሽርክ እና ሸሃዳን ተመልከቱ


Share